Arsenaal warra Bukaayoo Saakaa barbaadan akeekkachiise.
OFM:Muddee.22/2025-Arsenaal Bukaayoo Saakaan tapha deebii Beernaboo irratti galchii erga lakkoofsisee booda Riyaala Maadirid urjiin taphaticha milqsuuf yaada akka qaban midiyaaleen Ispeen gabaasaa jiru.
Taphaatan Sarara duraa Bukaayoon miidhaa yeroo dheeraa booda gara dirreetti deebi’uun galchii ajaa’ibsiisaa Maadiriid irratti galchuu isaa kan yaadatamuudha.
Warri Gaalaktikoos cimina taphataa kanaa ilaaluun gara garee isaanitti dabaluu akka barbaadan midiyaaleen Maadiriiditti dhiyeenna qaban gabaasuu irratti argamu.
Bukaayoo Saakaan Arsenaal waliin kontiraata waggaa lamaa kan qabu yoo ta’u kilabichis kontiraata isaa dheeressuuf sochii keessa jira.
Riyaal Maadiriid Bukaayoo Saakaa gara Bernaabootti fudhachuuf yaadanillee Arsenaal kana hubachuun Pawuundii miliyoon 130 gatii jijjiirraa itti maxxansuun akeekkachiisu isaa Mirror dabalate Sky Sport gabaasaa jiru.