Baayernmuunik Taphataa Joonaataan Taah mallatteessise.
OFM:Caamsaa.29/2025-Baabaariyaanoonni taphataa ganna 29 lammii Jarman Joonaataan Taah jijjirraa bilisaatiin Baayerleeverkusen irraa mallatteessisaniiru.
Taphatichi waliigaltee waggaa afurii hanga bara 2029tti Aliyaanz keessa isa tursiisu mallateesseera.
Baayernmuunikiif mallatteessuu isaatti akka gammade kan dubbate Taahan, kilabicha waliin waancaa hedduu injifachuun barbaada jedheera.
Waggaa kudhan Baayeerleeverkusen keessatti kan dabarse Joonaataan Taahan, bara darbe Shaampiyonii Bundasliigaa ta’uu danda’ee jira.
Taahan bakka Erik Daayer bu’uun sarara ittisaa Baayeermuunik cimsa jedhameeti kan eeggamu.
Hamburgitti kan dhalate Taahan, bara 2016 eegalee garee biyyaalessaa Jarmaniif taphoota 35 irratti taphateera.